Alden Kystlag

Laget sitt føremål er å eige, verne om og drive den nye Bakkejekta. Den nye Bakkejekta høyrer til i Dalsfjorden og Ytre Sogn. Ho skal fremje interessa for kystkultur, historie og handverk i regionen, og knyte oss betre saman på tvers og langs fjordar og fjell. Bygging og drift av den nye Bakkejekta skal gje innsyn i, dokumentere og spreie kunnskap om slike jekter, som i tidlegare tider var livsnerven mellom bygdene og mellom by og land. Drifta av den nye Bakkejekta skal vere eit tilbod til lag, foreiningar og organisasjonar som har samanfallande føremål, for å støtte opp om og styrkje deira arbeid og livskraft.